Minsan Lang Naman

Minsan akala mo, binigay mo na lahat ng makakaya mo pero bigla mong malalaman na hindi pa din yun sapat. o Kaya, hindi naman talaga dapat ibigay ang lahat-lahat. Sa madaling salita... "mali ka!"

Minsan naman, masyado kang naaaliw sa isang bagay, biglang may magsasabi sayo na, "masama yan.." at kailangan mong itigil ito.

Minsan naman, akala mo ang galing-galing mo sa isang bagay..bigla mong malalaman na mali pala ang akala mo at hindi ka naman talaga magaling dahil may mas magaling pa sayo.

Pagdating naman sa walang kamatayang pag-ibig: minsan akala mo, siya na talaga ang para sayo tapos bigla mong malalaman na hindi pala. O kaya, akala mo mahal na mahal ka niya yun pala ayaw lang niyang mag mukha kang tanga sa kakamahal sa kanya.

Sa mga magulang naman: Akala mo tama lang na protektahan mo ang anak ko, biglang sasabihin sayo ng anak mo na malaki na siya at hindi na niya kailangan ang protekta mo.

Masakit minsan malaman ang katotohanan lalo na pag hindi mo talaga ito inaasahan. Pero, kailangan mong tanggapin kahit masakit dahil yun ang totoo. At ito din ang magiging daan para malaman mo ang tama at karapat-dapat mong gawin sa buhay mo at sa buhay ng ibang tao...