Friday, January 07, 2011

Success is LOVE



“Ang pinaka malungkot na tao sa mundo ay ang mga taong hindi alam ang gusto sa buhay.” - Anonymous

Dumating ka na ba sa punto na hindi mo alam kung ano gusto mong gawin sa buhay mo? Pero gusto mo sumaya.. umasenso.. ganon. Yung napakahaba ng things to do mo pero hindi mo alam kung pano mo ito sisimulan. Kumbaga, lahat na nasayo pero hindi mo alam bakit hindi ka masaya. “It’s not you.. It’s me.” Napanood ko yung movie ni Julia Roberts na Eat Pray Love at sobrang nagustuhan ko yung storya. Hindi ganon kaganda yung pagkagawa ng movie pero yung story bonggang-bongga. Pakiramdam ko tuloy ako si Julia Roberts. CHOS!

Para sa mga hindi nakakalam, madami akong pinuntahan bago ako nakarating dito sa Cotabato. Bakasyon para sa karamihan pero pinilit ko talagang managinip ng gising. Pumunta ako sa America para tingnan kung sakali, kaya ko kaya mabuhay dun ng pangmatagalan. Negative. Pumunta ako sa Thailand para mapatunayan sa sarili ko na magkaiba sila ng Pilipinas. Negative. Ngayong nandito na ako sa Cotabato, patuloy ko pading inaalam kung ano ang maiaalay sa akin ng Cotabato na wala sa kakayanan ng Metro Manila.

Mainit dito. Wala masyadong magawa pag weekend. Delikado sa gabi. Walang magandang mall.. Walang mala-Encore or Republiq na clubs. Walang mala Central or Laiya na bars. Walang Starbucks.. walang KFC. :( Tska ko napatunayan sa sarili ko na hindi naman pala nakakamatay pag hindi ka nakakasabay sa modernization. Naalala ko dati nung nagmamasters pa ako, napagusapan namin sa isang lecture/discussion kung talagang kailangan bang sumabay sa pag upgrade ng buhay ang isang bansa o komunidad para umasenso. Matagal-tagal na diskusyunan yun kung hindi ako nagkakamali. Sabi kasi ng kaklase ko ang asenso ay hindi nasusukat sa pagiging moderno ng kagamitan, pamumuhay at pananalita. Ang asenso ay makakamit mo kapag kuntento at maligaya ang mga tao sa ginagawa nila. Kaso lang nakakainggit naman kung sila may cellphone tayo wala. YUN LANG.

Maraming ibig sabihin ang asenso sa karamihan. Pwede mo itong masukat sa dami ng pera mo sa banko, sa dami ng investments mo sa market, sa dami mong napasayang tao o sa tindi ng self-fulfillment mo. Hindi ko maalala saan ko ba napanood pero sabi dun sa napanood ko, “Success is love.” Kung mahal mo ang ginagawa mo, YUN NA! Ok ibang usapan na toh.. mahal na ang topic e. Joke lang.

Madalas tayong magreklamo, na minsan OA na. Pero hindi natin naiisip na buti nga tayo meron.. sila wala.

Kung ano man ito, alam ko na isa lang ang bagay na magpapasaya sa ating lahat. Yun ang makuntento tayo sa kung anong meron tayo. Hindi ito ibig sabihin na hindi mo na kailangan mangarap. Mangarap kang abutin ang isang bagay na naaayon sa sarili mong kakayanan. Wag kang echusera.

2 comments:

Robert John said...

good job kesico.=)

kesico said...

salamat robertlu!